ٹک ٹاک سے بڑی سکرین تک کا سفر ٹک ٹاک سٹار جنت مرزا کون سی پاکستانی فلم کی ہیروئن بنیں گی؟ چاہنےوالوں کیلئے بڑی خبر

پاکستان ٹپس! معروف پاکستانی فلم ساز سید نور ملک میں پنجابی فلم سنیما کی بحالی میں کردار ادا کرتے ہوئے جلد ایک نئی فلم شائقین کیلئے پیش کرینگے جس کی ہیروئن کا کردار ٹک ٹاک اسٹار جنت مرزا ادا کررہی ہیں۔میڈیا رپورٹ کے مطابق فلم ہدایت کار سید نور پنجابی سنیما کے بحالی کی کوششوں میں کردار ادا کرتے ہوئے ‘تیرے باجرے دی راکھی’ کے نام سے فلم بنارہے ہیں۔فلم کا تقریباً 90 فیصد کام مکمل ہوچکا ہے اور کورونا وائرس کی وجہ

سے تاخیر کا شکار ہونے والا دیگر کام جلد مکمل کیے جانے کا امکان ہے۔ فلم کی نمایاں خصوصیت یہ ہےہ مصطفی قریشی اور ان کے بیٹے عامر قریشی پہلی مرتبہ سلور سکرین پر ایک ساتھ دکھائی دیں گے۔فلم کے ہیرو کوبھی پہلی مرتبہ سلور سکرین پر متعارف کروایا جارہا ہے، عبداللہ نے کینیڈا سے فلم کی تعلیم حاصل کی ہے۔سید نور کی فلم کی ہیروئن ٹک ٹاک سٹارجنت مرزا ہیں اور یہ ان کی پہلی فلم ہے۔فلم کی دیگر کاسٹ میں اداکارہ صائمہ، عرفان کھوسٹ، شفقت چیمہ، افتخار ٹھاکر، آغا ماجد، سلیم البیلا اور صائمہ سلیم جیسے بڑے نام شامل ہیں۔سید نور نے ایک انٹرویو میں ہا کہ دیگر چند پنجابی فلمیں بھی جلد شوٹ ہونے والی ہیں۔انہوں نے کہا کہ پنجاب کے لوگ پنجابی فلمیں دیکھنا چاہتے ہیں اور اس ‘ سنہری دور’ کی بحالی کی کوششیں کرنی چاہئیں۔سید نور نے کہا کہ میری فلم اسی کوشش کا حصہ ہے۔انہوں نے کہا کہ حکومت کو فلم اکیڈمی کے قیام پر توجہ مرکوز کرنی چاہیے اور طلبہ کو عملی تجربے کے ساتھ نظریاتی تعلیم بھی دی جانی چاہیے۔ہدایت کار نے وفاقی وزیر برائے قومی تاریخ و ادبی ورثہ کی جانب سے فلم انسٹیٹیوٹ بنائے جانے کے اعلان کو بھی سراہا۔سید نور کی اس فلم کی شوٹنگ لاہور اور ملحقہ دیہاتوں میں کی گئی ہے، فلم کی موسیقی ذوالفقار نے ترتیب دی ہے جبکہ اس کی کہانی سیدنور نے لکھی ہے۔

loading...

اپنی رائے کا اظہار کریں